Ministri i Brendshëm, Bledi Çuçi, ka zhvilluar sot një takim me krerët e organizatave socialiste në Cepo të Gjirokastrës, me të cilët ka diskutuar mbi zgjedhjet e 25 prillit.
Në mesazhin e tij në rrjetin social, ministri Çuçi thekson se zgjedhjet e 25 prillit nuk janë thjesht një palë zgjedhje të radhës, por një moment historik për të ndarë të shkuarën nga e ardhmja.
Nga sondazhet e publikuara deri më tani rezulton se Rilindja humbet zgjedhjet e 25 prillit përballë opozitës së bashkuar, pavarësisht se Kryeministri Edi Rama shprehet i bindur për mandatin e 3-të qeverisës.
“Me kryetarët e organizatave socialiste në Cepo të Gjirokastrës. Vijojmë punën për organizimin elektoral drejt 25 prillit. Nuk janë thjesht një palë zgjedhje të radhës, por një moment historik për të ndarë të shkuarën nga e ardhmja. Shihni kush kërkon të vijë në pushtet, për të kuptuar se kthimi prapa do të ishte fatal për Shqipërinë. #BashkëMePartinëSocialiste #PërShqipërinëQëduam”, shkruan ministri.
