Dominim, goditje pafund drejt portës, por vetëm dy gola. Gjithsesi mjaftuan për Manchester City, që mposhti me rezultatin e pastër 2-0 skuadrën e Aston Villa.
“Qytetarët” ngjiten në vendin e parë për momentin, me pikë të barabarta me Leicester.
Gjithsesi skuadra e Pep Guardiola nuk e ka mendjen aty, por te fitimi i ndeshjeve. Sot kundër Aston Villa City vuajti për të gjetur rrugën e rrjetës dhe ishte mesfushori Bernardo Silva ai që e qetësoi skuadrën e tij, me një goditje perfekte në hyrje të zonës.
Festë e madhe, e ligjshme. Ai gol e qetësoi skuadrën e Manchesterit, që një minuta para fundit të kohës së rregullt fitoi edhe një penallti. Iker Gundogan, i qetë para portës, nuk gaboi dhe e çoi topin në rrjetë, duke i mbyllur llogaritë. Tre pikë dhe Manchester City mendon për duelin e radhës. /abcnews.al
