Rey Manaj duket shumë pranë rikthimit në Itali. Për sulmuesin shqiptar, i cili është pjesë e Barcelonës B në ligën e tretë në Spanjë, së fundmi kanë shprehur interes 2 klube italiane.
Bëhet fjalë për Crotonen që militon në Serinë A dhe Pescara që bën pjesë në Serinë B. Lajmi bëhet publik nga eksperti i merkatos Xhanluka Di Marcio.
Pritet që në ditët në vijim të ketë zhvillime të reja për sa i përket të ardhmes së Manaj-t. Kujtojmë që shqiptari në të kaluarën ka qenë pjesë e Kremonezes, Interit, Pescara dhe Pisës në Itali. Një rikthim në Serinë A do të ishte ideal për 23-vjeçarin, i cili kërkon të shpalosë aftësitë e tij.
