Në rrjetet sociale qarkullojnë meme, që ironizojnë apo tallin, Kryeministrin Edi Rama, zv.Kryeministrin Erion Braçe, Kryepolicin Ardi Veliu, avokat Spartak Ngjelën, personazhe që duket se i shërbejnë njëri-tjetrit, dhe të gjithë bashkë legjitimojnë dhunën e shfaqur në protestat e fundit në Tiranë dhe disa nga qytetet kryesore të vendit.
Cinizmi që këto personazhe shfaqin nuk ka kufi, veçanërisht kur vlerësojnë më shumë një pemë apo një tabelë që shkatërrohet nga protestues, sesa jetën e një njeriu.
Në kulmin e protestave, dhunës policore ndaj të rinjve, shoqërimit të minorenëve në komisariate, në median e Dritan Hilës, ish-zv.ministër i Edi Ramës, u botua një letër, për të cilën u tha se ishte shkruar nga një 6-vjeçare, dhe që i kërkonte Edi Ramës ti kthente pemën e Krishtlindjeve.
Më pas u shfaq avokat Ngjela, që sugjeronte thyerje brinjësh ndaj protestuesve, dhe duket se kjo kërkesë e tij, iu plotësua nga “babagjyshi” që shfaqet me pamjen e Kryeministrit.
Më poshte mund të shihni disa nga memet më pikante në rrjet, ku ironizohen të gjithë këto personazhe.
