Ish-kryeministri Sali Berisha ka reaguar për protestën disa orëshe të zhvilluar sot në Tiranë, për të kërkuar drejtësi për vrasjen e 25-vjeçarit, Klodian Rasha.
Protestat janë shtrirë në disa nga qytetet kryesore të vendit nga qytetarë dhe të rinjtë e forumeve rinore.
Teksa ka postuar disa foto nga protesta në rrjetin social, Berisha shkruan se “Tirana tym e flakë nga revolta e të rinjve për ekzekutimin shtetëror prapa shpine të 25 vjeçarit Klodian Rasha”.
Për ish-kryeministrin kjo ngjarje e rëndë është një ekzekutim shtetëror.
Klodian Rasha u përcoll sot për në bansesën e fundit, ndërsa familjarët e tij kërkojnë vënien e drejtësisë.
