Barcelona dhe Juventus përballen mbrëmjen e sotme në orën 21:00. Të dy klubet nuk po kalojnë aspak një moment të mirë, teksa nuk kanë bindur në këtë fillim sezoni.
Te Barcelona në formë të mirë nuk është as Lionel Messi, i cili po regjistron disa nga statistikat më të këqija, gjithmonë krahasuar me nivelin e lartë që ka treguar çdo sezon paraardhës.
Përballë sonte do të ketë rivalin e tij të vjetër, Cristiano Ronaldo i cili pavarësisht performancave të dobëta të skuadrës së tij në aspektin individual po bën mirë.
Dy legjendat në të kaluarën janë përballur 35 herë duke përfshirën ndeshjet në Champions, La Liga, dhe Copa del Rey.
Sipas stastikave shifrat flasin për argjentinasin e Barcelonës, diferencë e krijuar kryesisht herët gjatë dekadës që po mbyllet, teksa Barcelona ishte në kulmin e saj historik.
Sa i përket statistikave të përgjithshme, gara mes të dyve duket shumë e ngushtë me portugezin që e kalon në disa aspekte e në disa të tjera është më poshtë se 6 herë fituesi i “Topit të Artë”.
