Presidenti Ilir Meta iu drejtua me një apel të fortë Kryeministrit Edi Rama për të shtuar testimet, ndërkohë që qytetarët e infektuar nga Covid-19 po shtohen përditë.
Meta në postimin e tij në rrjet i bën thirrje Ramës të ndalë koncensionet dhe PPP korrptive, të rrisë buxhetin për sistemin shëndetësor, të shtojë spitalet Covid dhe të rimbursojë pacientët që po mjekohen në shtëpi, sikundër familjet në nevojë dhe pensionistët.
Postimi nga Ilir Meta
Qytetarët e infektuar po shtohen çdo ditë!
Jetët e humbura po shtohen çdo ditë!
Shto testimet!
Rimburso pacientët të cilët mjekohen në shtëpi, familjet në nevojë dhe pensionistët e infektuar me COVID-19!
Rrit buxhetin për sistemin shëndetësor! Shto spitalet COVID!
A e di ti sa paguan sot çdo shqiptar për mjekim dhe ilaçe për t’i shpëtuar COVID-19?
A nuk ishe ti që ju premtove shëndetësinë falas?
Mjaft me koncensione dhe PPP korruptive! Mjaft me tendera sekrete për oligarkët!
