Martin Henze, këshilltari politik gjerman, pranë CDU-së, ka reaguar lidhur me debatin që ka përfshirë Kryeministrin Edi Rama dhe kreun e opozitës Lulzim Basha për sa i përket raportit të Dick Marty-t për çështjen e luftës së Kosovës.
Në një postim në Twitter, Henze ironizon Ramën dhe shkruan “Mustafa Rama, nën këtë emër pati kontrolle në klinikën e bamirësisë në pranverën e vitit 2019 dhe, pasi e kuptove që donim të sillnim lule, u largove nga klinika me nxitim. Nëse do ta bësh Zotin të qeshë, tregoji planet e tua”.
Prej dy ditësh, Kryeministri Edi Rama po përpiqet të artikulojë akuza lidhur me përfshirjen e Lulzim Bashës, Kryetar i PD-së, në hartimin e raportit të Dick Marty, mbi të cilin sot në Hagë po gjykohen ish-drejtuesit e UÇK-së, Hashim Thaçi dhe Jakup Krasniqi.
Akuzat e Ramës janë cilësuar si shpifje dhe sulme politike nga opozita e bashkuar.
