Presidenti Ilir Meta, përmes një postimi në rrjetet sociale, shkruan se 25 prilli tashmë është një referendum me dy alternativa: Shqipëria në Europë ose në Gropë.
“Përgjigjja dihet që nga koha e Skënderbeut: Shqipëria në Europë!”, shkruan Meta.
Prej kohësh Presidenti Meta dhe Kryeministri Edi Rama shkëmbejnë akuza të ndërsjellëta mes tyre, ndërsa Kreu i Shtetit iu drejtua Komisionit të Venecias lidhur me Kodin e ri Zgjedhor, duke u shprehur se po tentonte që të shmangte një krizë zgjedhore.
Por Kuvendi njëpartiak rrëzoi dekretin e Presidentit, i cili kërkonte rishikimin e ligjit zgjedhor, duke e argumentuar qëndrimin e tij me një sqarim rreth 80 faqesh. Pavarësisht apelit të europarlamentarëve që kërkonin votimin mbi dekretin, pasi Venecia të shprehej, Rama shpërfilli këshillat dhe thirrjet, ndërsa Kodi i ri Zgjedhor ka hyrë në fuqi.
