Sipas sondazheve të fundit, kryeministrja italiane Giorgia Meloni ka pësuar një humbje të ngushtë në referendumin mbi reformën kryesore të sistemit gjyqësor të propozuar nga qeveria e saj.
Të dhënat paraprake tregojnë se kampi i “Jo”-së, i mbështetur nga opozita, ka siguruar rreth 51,5% të votave, ndërsa “Po”-ja e qeverisë ka marrë 48,5%. Rezultatet e exit poll-eve variojnë nga 49% deri në 53% për “Jo” dhe nga 47% në 51% për “Po”.
Pjesëmarrja në votim ka qenë rreth 60%, më e lartë se pritshmëritë, pas një fushate të tensionuar që nxori në pah përplasjet mes koalicionit të djathtë në pushtet dhe sistemit gjyqësor.
Nëse këto rezultate konfirmohen, kjo humbje mund të përbëjë një goditje për qeverinë përpara zgjedhjeve të përgjithshme të vitit të ardhshëm, duke dobësuar pozitat e saj politike.
Nga ana tjetër, rezultati pritet të forcojë opozitën, veçanërisht Partinë Demokratike dhe Lëvizjen 5-Yje, të cilat mund të afrohen drejt një bashkëpunimi më të gjerë për t’u përballur me qeverinë aktuale.
