Ambasada Holandeze në Tiranë ka bërë të ditur se pasi Komisioni Europian publikoi paketën vjetore të zgjerimit, pjesë e së cilës është dhe raporti i progresit për Shqipërinë, Qeveria holandeze do t’i dërgojë Parlamentit një vlerësim të paketës së zgjerimit dhe kjo do të ndiqet nga një debat në datën 3 Nëntor.
“Në datën 6 tetor, Komisioni Europian publikoi paketën vjetore të zgjerimit, pjesë e së cilës është dhe raporti i progresit për Shqipërinë. Si zakonisht, qeveria holandeze do t’i dërgojë Parlamentit një vlerësim të paketës së zgjerimit.
Kjo do të ndiqet nga një debat në datën 3 Nëntor, sipas procedurave parlamentare. Gjithashtu, Parlamenti holandez i ka dërguar qeverisë një sërë pyetjesh faktuale në lidhje me paketën e zgjerimit të publikuar nga Komisioni Europian. Qeveria do t’i përgjigjet edhe këtyre pyetjeve në javën që vijon’, shprehet Ambasada e Holandës.
Ndërkohë, sot një delegacion i Parlamentit shqiptar do të ketë një takim ‘online’ me Komisionin Parlamentar për Çështjet Europiane në Parlamentin holandez. Aty do të diskutohet në lidhje me çështjet e zgjerimit.
Njoftimi
Ne javet e fundit, shume nga mediat shqiptare kane publikuar lajme ne lidhje me diskutimet ne Parlamentin hollandez mbi zgjerimin e BEse. Ju lutem gjeni ketu me poshte nje informacion ne lidhje me proceset ne vijim.
·Ne daten 6 Tetor, Komisioni Europian publikoi paketen vjetore te zgjerimit, pjese e se ciles eshte dhe raporti i progresit per Shqiperine 2020.
·Si zakonisht, qeveria hollandeze do t’i dergoje parlamentit nje vleresim te paketes se zgjerimit. Kjo do te ndiqet nga nje debat ne daten 3 Nentor, sipas procedurave parlamentare.
·Gjithashtu, Parlamenti hollandez i ka derguar qeverise nje sere pyetjesh faktuale ne lidhje me paketen e zgjerimit te publikuar nga Komisioni Europian. Qeveria do t’i pergjigjet edhe ketyre pyetjeve ne javen qe vijon.
·Ne Bruksel, vendet anetare te BEse jane duke diskutuar draft Kuadrin Negociator per Shqiperine. Nje here qe ky kuader do te jete dakortesuar, ai do te miratohet nga Keshilli Europian per Ceshtjet e Pergjithshme.
·Keshilli Europian per Ceshtjet e Pergjithshme do te diskutoje paketen e zgjerimit ne takimin e saj te dates 10 Nentor, si dhe pritet qe te miratoje konkluzionet perkatese. Ne mars te ketij viti, Keshilli konkludoi se Konferenca e Pare Nderqeveritare (KPN) me Shqiperine mund te organizohet nje here qe Shqiperia ka bere progres te mjaftueshem mbi kushtet e vendosura nga Keshilli ne muajin Mars.
·Ne daten 27 tetor, nje delegacion i parlamentit shqiptar do te kete nje takim online me komisionin parlamentar per Ceshtjet Europiane ne parlamentin hollandez. Ata do te diskutojne ne lidhje me ceshtjet e zgjerimit. Takime te tilla parlamentare organizohen vazhdimisht dhe rregullisht.
