Një sherr i ndodhur në qendër të komunës në Hotolisht të Librazhdit, ka përfunduar me plagosje me thikë. Në sherr janë përfshirë Mikel Çota dhe Fatmir Duka, ndërsa i plagosur ky i fundit, i cili është transportuar në spital, në gjendje të rëndë.
Mësohet se motivi i sherrit mes dy të rinjve ishte një ngacmim që njëri prej tyre i ka bërë motrës së tjetrit.
Policia ka mbërritur në vendin e ngjarjes dhe po punon për zbardhjen dhe dokumentimin e plotë të plagosjes. Mësohet se autori i plagosjes është ndaluar nga policia.
