“Nuk do ta laj”.
Eduardo Camavinga, ylli në rritje i kombëtares franceze, u mburr në rrjetet sociale se kishte marrë fanellën e Cristiano Ronaldos, pas ndeshjes të së dielës së kaluar midis “Gjelave” dhe Portugalisë në Nations League.
Por pas lajmit se ylli portugez ka rezultuar pozitiv gjatë testit anti-Covid, talenti 17-vjeçar Rennes mund të ndryshojë mendje. Madje, ai dhe lojtarët e tjerë të Francës mund të jenë infektuar nga virusi.
Franca luan nesër ndeshjen e rradhës në Nations League përballë Kroacisë, ndërsa nuk ka asnjë njoftim nga Federata Franceze e Futbollit nëse lojtarët i janë nënshtruar testimeve dhe nëse po, cilat janë përgjigjet. /Oranews
