Pas publikimit të lajmit për mbylljen e hetimeve në sektorin e Arsimit të Lartë nga ana e Autoritetit të Konkurencës, ka reaguar kjo e fundit.
Përmes një deklarata ajo shpojegon se hetimi kanisur në vitin 2018 dhe në shtator të këtij viti u pa e arsyeshme që Ministrisë së Arsimit t’i lihen disa detyra për t’u përmbushur.
Njoftimi i plotë
Autoriteti i Konkurrencës nisur nga disa keqinformime në median e shkruar, lidhur me
vendimin nr. 706, dt. 10.09.2020 “Për mbylljen e hetimit të përgjithshëm në Sektorin e Arsimit të Lartë;dhënien e disa rekomandimeve për MASR, INSTAT, IAL-të publike
dhe private, si dhe disa detyrimeve për IAL private”, kërkon të saktësojë si më poshtë:
Hetimi i Përgjithshëm në Sektorin e Arsimit të Lartë është hapur nëpërmjet vendimit nr.
573, dt. 26.11.2018 “Për hapjen e procedurës së Hetimit të Përgjithshëm në Sektorin e Arsimit të Lartë”.
Në paragrafin e dytë të vendimit, thuhet shprehimisht se: “Arsyeja e hapjes së hetimit
është për të analizuar nivelin e konkurrencës në tregun e ofrimit të shërbimit të arsimit të
lartë”.
Nëpërmjet vendimit nr. 706, dt 10.09.2020: janë dhënë rekomandimet respektive për
MASR, INSTAT dhe IAL-të publike e private.
MASR i është rekomanduar kryerja e një studimi tregu për përcaktimin e nevojave të
tregut për specialistë, si dhe hartimi e propozimi i një kuadri ligjor lidhur me financimet e IALve private.
Aspekte të tjera si: përqindja e studentëve të cilët nuk kalojnë vitin, mesatarja e notës
lëndore, numri i pedagogëve apo periudha e regjistrimit të studentëve, nuk janë objekt i hetimit
nga Autoriteti i Konkurrencës.
Autoriteti i Konkurrencës, në bashkëpunim me Ministrinë e Arsimit, Sportit dhe
Rinisë do kërkojë respektimin e rregullave dhe parimeve për sigurimin e konkurrencës së
lirë dhe efektive në tregun e Arsimit të Lartë.
Arsyetimi i dhënë nga Komisioni i Konkurrencës është i qartë dhe i plotë, dhe nuk lë
vend për keëkuptime apo keëinterpretime, prandaj i sjellim në vëmendje medias që vendimet e
Autoritetit t’i konsiderojë si përfundimtare dhe pa nënkuptime.
