Nga Elton Qyno
Është zbardhur emri i personit që del si “i paidentifikuar” tek dosja penale kundër dy miqve të Safet Bajrit, Izmir Sakicës dhe Samuel Troshanit dhe Franko Leka.
Ai është një punonjës i Patrullës së Përgjithshme pranë postës policore të Malësisë së Madhe dhe vijon të jetë të jetë ende në detyrë.
Sipas burimeve nga Policia e Shkodrës, ai quhet Mikel Kodra. Mikel Kodra, është nipi i Prek Kodrës, person i shpallur dy herë në kërkim nga SPAK.
Gjithashtu mësohet se pas identifikimit të këtij të fundit ai është thirrur nga Agjencia e Mbikëqyrjes Policore, por nuk është paraqitur.
Prezenca e Mikel Kodrës, doli pikërisht nga kçyrja e aparatit të telefonit të Izmir Sakicës, i cili po hetohej nga SPAK, lidhur me atentatin me armë ndaj Aleksandër Prendit në zonën e Bushatit në Shkodër.
Në telefon janë gjetur filmime të Sakicës e të tjerë personave duke bërë qitje me armë zjarri.
Ajo çka bie në sy është pikërisht një person për të cilin në dosjen hetimore shkruhet person “i paidentifikuar”. Por pas publikimit në media të dosjes hetimore dhe tabelës fotografike, informacionet publike thanë se ky shtetas “i paidentifikuar” nga SPAK, është Mikel Kodra, oficer i patrullës së përgjithshme në Malësinë e Madhe.
Nga ana tjetër janë bërë dhe kontrolle në banesën e tij por Mikel Kodra nuk është gjetur.
Sipas burimeve për të ka nisur një hetim disiplinor nga Agjencia e Mbikëqyrjes Policore në Shkodër dhe Tiranë. /Syri.net
