Presidenti Ilir Meta akuzon kryeministrin Edi Rama se po vë në diskutim sovranitetin e Kosovës.
Në një prononcim për mediat nga Kopliku, ku ndodhet për nderim të dëshmorëve të kombit, Meta tha se kjo përshtypje lihet nga deklaratat e telekomanduara të Ramës në Parlamentin e Kosovës.
“A ka ndryshuar programi i PS-së? Pse vënë në diskutim sovranitetin e Kosovës me deklaratat e telekomanduara të tij në Kuvendin e Kosovës, se do të kemi në pak vite një president të përbashkët? Që do të thotë se nuk do të ketë më Kosovë të pavarur…?, -tha presidenti Ilir Meta.
