Ambasada amerikane në Tiranë në një reagim në rrjetin social bën të ditur angazhimin e SHBA për të monitoruar procesin e “Vettingut” në Shqipëri.
Në mesazhin e Ambasadës thuhet se Vetting duhet që të vazhdojë me profesionalizëm dhe përkushtim.
“Shtetet e Bashkuara janë angazhuar që të shohin procesin e Vetingut në Shqipëri të vazhdojë me profesionalizëm dhe përkushtim.
Me dy vendet tona në bordin e ONM-së – një për Departamentin e Shtetit & një për Departamentin e Drejtësisë – për monitorimin e procesit të vetingut dhe nëpërmjet vëzhguesit tonë ndërkombëtar, ne sigurohemi që organet e vetingut të respektojnë ligjin”, shkruhet në postimin e publikuar në rrjetin social.
