Një grup i strukturuar kriminal i përbërë kryesisht nga shqiptarë kishte ngritur një perandori droge në Arezzo të Italisë, sipas hetimeve të prokurorisë në këtë provincë, e cila lëshoi 22 urdhër arreste.
Tetë persona u arrestuan gjtë një operacioni “blic” në provincën e Arezzo-s, ndërsa Newsbomb.al mësoi se personi i nëntë është një femër Rikardoroha Basho, e cila u vu në pranga nga policia në qytetin e Vlorës.
Sipas autoriteteve italiane, ky grup kriminal kishte bazën në fshatin Levane në komunën Montevarchi, ku në pronësinë e tyre ishte një ndërtesë me sipërfaqe të mëdha toke, një piceri dhe një bar. Dyshohet se këto prona ishin vënë nga të ardhurat e mëdha të fituara nga trafikimi dhe shpërndarja e kokainës dhe kanabisit.
Hetimet kanë nisur në pranverën e vitit 2018, pas konstatimeve të para të aktivitetit kriminal, me ndjekje dhe përgjime. Vila e tyre në një zonë të izoluar dhe pozicion tepër strategjik i mundësonte atyre të ishin disi të mbrojtur nga sytë e policisë. Ata kryenin blerje të sasive të drogës, fillimisht duke bërë marrëveshje përmes telefonit, më pas droga transportohej në vilë dhe fshehej në brendësi të hambarëve.
Bilanci i operacionit është 9 të arrestruar dhe 13 të shpallur në kërkim. Zbulimi dhe sekuestrimi i 110 gram kokainë dhe 10 pakove me kanabis. Dokumentimi i qindra shitjeve të drogës dhe identifikimi i 10 përdoruesve të rregulltë. Ky operacion u krye në bashkëpunim me Policinë e Shtetit në Shqipëri.
