Detaje të reja zbardhen nga plagosja e një nate më parë në lagjen ‘Haxhias’ në Elbasan. Të plagosurit janë identifikuar si Erand dhe Egis Bekteshi, vëllezër, persona me precedentë të mëparshëm në fushën e lëndëve narkotike.
Ata mësohet se kanë qenë në ambjentet e një lokali, kur janë konfliktuar me personat e tjerë. Konflikti mes tyre ka gjeneruar me përdorimin e mjeteve të forta, duke bërë që të dy vëllezërit të mbeten të plagosur.
Ata kanë tentuar të largohen, por janë vijuar të qëllohen edhe në momentin që i janë drejtuar mjetit të tyre Ford Fokus me targa AA 898 IV, për pasoje edhe xhami i pasëm i makinës është thyer.
Menjëherë ka mbërritur në vendngjarje policia duke nisur hetimet për ngjarjen. Raportohet se policia ka identifikuar autorët, por pa mundur t’i arrestojë.
Ndërkohë dy të plagosurit janë në gjendje jo kritike për jetën.
Dyshimet janë se ngjarja e djeshme ka lidhje me një tjetër konflikt të nisur me 26 shkurt të këtij viti, në lagjen “Haxhias”.
Policia edhe atëherë identifikoi autorët dhe vetëm në 23 shtator të këtij viti arrestoi 25-vjeçarin Rafael Greca dhe vijon ende të jetë në kërkim miku i tij shtetasi E. T.
