Kreu demokrat Lulzim Basha u shpreh mbrëmjen e së enjtes se është i gatshëm për një debat publik me Kryeministrin Edi Rama. Madje Basha akuzoi Ramën se ka bllokuar të gjitha debatet mes përfaqësuesve të opozitës dhe PS, pasi ka frikë nga transparenca.
Sot Kryeministri Edi Rama iu shmang pyetjes në konferencën për mediat me homologun Hoti, nvse është i gatshëm për një debat me Lulzim Bashën.
Rama tha se nuk komenton problemet e shtëpisë në prani të miqve.
Në fakt vetëm pak minuta më pas, i njëjti, pra Edi Rama, nuk nguroi të komentonte mbi deklaratat dhe akuzat e Presidentit, lidhur me humbjen e gjyqeve nga Qeveria në Arbitrazh.
Pra nëse në rastin e një debati publik me Bashën, Rama duket se nuk ka një përgjigje ndaj sfidës që iu bë, në rastin e Presidentit ai se ka problem të komentojë ato që i quan si “probleme të brendshme të shtëpisë”, pavarësisht se miqtë, sikundër quajti Kryeministrin Hoti, e kishte sërisht në krah.
