Një lajm i mirë mund të konsiderohet ai nga spitalet Covid në Shqipëri, ku pacientët e shtruar janë në moshën mbi 50 vjeç. Ndërkohë që referuar të dhënave në të dyja këto spitale ka rënie të numrit të shtrimeve dhe të urgjencave.
“Në të dy spitalet ka një rënie të numrit të shtrimeve dhe urgjencave. Në Spitalin infektiv ka një mesatare mes 2-3 shtrimeve në ditë.
Daljet nga spitali janë më të mëdha në spitalin Infektiv ku urgjencat nga Tirana janë hequr, pra nuk çohen më në Infektiv.
Në spitalin e sanatoriumit ku prej 15 shtatorit listohen dhe urgjencat nga Tirana, shkon nga 6-8 numri i urgjencave në ditë.
Situata në spitalin ‘Shefqet Ndroqi’ është e qetë, 90 të shtruar. Nuk ka asnjë pacient poshtë moshës 50-vjeçare dhe rreth 80% e tyre janë të moshës mbi 60 vjeç”, raporton News 24, referuar burimeve të saj.
