Hoffenheim ka surprizuar Bayern Munich, pasi e ka mundur thellë 4-1. Një rezultat i papritur ky për bavarezët, pasi vinin nga një formë e jashtëzakonshme ku së fundmi fituan edhe SuperKupën e Evropës kundër Sevillas.
Vendasit morën kontrollin e sfidës me Biçakriç në minutën e 16-të dhe Dabur në të 26-ën. Kimich ngushtoi për Bayernin në minutën e 36-të duke krijuar përshtypjen e kthesës së rezultatit por në fund nuk rezultoi kështu.
Në pjesën e dytë edhe pse trajneri Flik bëri ndryshime duke futur Lewandowskin, Goretzkën dhe Komanin nuk arriti të ndryshonte rrjedhën e ndeshjes.
Madje bavarezët u ndëshkuan sërish nga Hofenhajm me anë të Kramariç, që shënoi në minutën e 77-të. Në fundin e takimit, vendasit fituan edhe një penallti të cilën Kramariç e shndërroi në gol dhe vulosi rezultatin përfundimtar të ndeshjes, Hoffenheim 4-1 Bayern Munich.
Kjo ishte humbja e parë e Bayernit pas plot 10 muajve kalendarikë, teksa disfata e fundit ishte ajo ndaj B.Monchegladbach më 7 dhjetor 2019.
