Që kryeministri Edi Rama nuk i duron dot mediat online kjo tashmë dihet. Kryeministri nuk i duron për shkak se nuk i ka nën kontroll siç ka mediat tradicionale që raportojnë çdo lajm me regji të Endri Fugës, shefit të medias në Kryeministri.
Dhe duke mos i kontrolluar dot këto media kritike, pushteti ka zgjedhur një mënyrë tjetër, aspak dinjitoze dhe hileqare: Ka nisur ti sulmojë.
Rasti i parë ishte faqja “Lolita” në Facebook që u sulmua nga sejmeni i Edi Ramës, Karlo Bolino. Botuesi i shqiptarja.com për të justifikuar tenderët e dyshimtë qe i jep qeveria ka nisur një sulm të paprecedentë ndaj mediave kritike.
I ndërsyer nga Rama, Bolino tentoi të mbyllte faqen Lolita, por gazetarit të Ramës i shkoi këtë herë bllof sulmi.
Pas “Lolitës” radha i ka ardhur faqes “Çmendina Dublim”. Kjo e fundit, është një faqe në rrjetin social Facebook që njihet për video plot humor të dubluara në shqip.
Së fundmi “Çmendina Dublim” vuri në lojë kryeministrin Rama për importin e mbetjeve, por kjo gjë nuk u ka pëlqyer pushtetarëve që nuk pranojnë kritika dhe kanë tentuar ta mbyllin dhe këtë faqe.
Administratorët e “Çmendina Dublim” thonë në faqen e tyre se sulmi ka ardhur nga qeveria, por premtojnë se nuk do të ndalen.
Për ironi videot që janë sulmuar dhe hequr janë pikërisht ato kundër qeverisë.
Pas këtyre fakteve duket se kryeministri Edi Rama nuk është mirë. Ai pasi ka kapur të gjitha mediat tradicionale duke dhënë tendera dhe përfitime të tjera, tani po tenton të mbyllë edhe mediat sociale që kritikojnë atë dhe vendimet e qeverisë së tij.
Kryeministri e di se kushdo që kontrollon median, kontrollon edhe mendjen e njerëzve. Duke tentuar të mbulojë zullumet e qeverisë, Rama po bën të pamundurën për të kontrolluar gjithçka./Boldnews.al
