Deputeti Lefter Maliqi i ka drejtuar një thirrje të fortë Rilindjes për të lënë lojrat me atë që e quan listat gjysëm të mbyllura dhe pa koalicione, por ti përmbahet marrëveshjes së 5 qershorit, me bekimin e Ambasadës amerikane.
“Nëse Rama dhe shpura e tij, guxon të kalojë ndryshimet kushtetuese, duke përdorur deputetët e opozitës parlamentare, i bëj thirrje popullit, opozitës së bashkuar, socialistëve të zhgënjyer, që të rrethojnë Parlamentin dhe ti hedhin në koshat e plehrave deputetët, si në Ukrainë.
Të ngrihen të gjithë dhe të marrin në dorë fatet e vendit, të shporrin këtë qeveri të kriminalizuar dhe të koprruptuar që ka marrë peng Gjykatën Kushtetuese, Gjykatën e Lartë, institucionet e shtetit, zgjedhjet, demokracinë.
Le të jetë populli ai që të godasë mafien, oligarket dhe krimin e bërë njësh me Rilindjen.
Ëndrra e Ramziut për tu bërë diktator, le të mbetet në bunkerin e tij në Surrel”, shkruan Maliqi.
Në vijim, deputeti thekson se Shqipëria nuk është bunkeri i tij, por vendi i lirë i ëndrrës së studentëve të Dhjetorit drejt familjes së madhe europiane.
“Pse ka kaq shumë frikë Ramziu nga listat e hapura, pse e tmerron Ramziun koalicioni opozitar?!
Në fakt, pyetja është retorike”, thekson Maliqi.
