Pas 5 orësh nga momneti që shkoi në banesën e vjehrrit dhe një armë automatike dhe kërcënoi fillimisht familjarët dhe më pas paralajmëronte vetëvrasjen, është dorëzuar 31-vjeçari, Elton Meta.
Ngjarja është zhvilluar në zonënv e Zhupan në Fier dhe situata ka precipituar, çka ka detyruar edhe forcat RENEA të marrin pjesë në aksion.
Sipas raportimeve, 31-vjeçari është dorëzuar rreth orës 03:30 të mëngjesit të sotëm.
“Falë negociatave të Strukturave të Policisë Vendore Fier, Prokurorit të çështjes dhe ekipit negociator të Reneas, dorëzohet shtetasi E. M.
U sekuestrua në cilësinë e provës materiale arma e zjarrit tip automatikë dhe një gëzhojë. 31-vjeçari u shoqërua në Komisariatin e Policisë Fier për sqarimin e rrethanave dhe kryerjen e veprime të mëtejshme hetimore”, thuhet në njoftimin e policisë.
31-vjeçari ka shkuar mbrëmjen e së shtunës në banesën e familjarëve të bashkëshortes. Në raportimet fillestare u tha se ai kishte qëlluar dy herë në ajër me armën e zjarrit, një kallashnikov, ndërsa policia ishte njoftuar nga banorë të zonës.
Mbi ngjarjen pati raportime kontradiktore, pasi policia tha se të gjithë familjarët që banonin në ndërtesën 8 katëshe, rreth 8 persona ishin evakuuar. Por më pas u raportua nga burime jozyrtare policore se 5 persona ishin mbyllur në një nga dhonat e banesës, ndërsa 31 vjeçari kërcënonte me vetëvrasje në oborrin e shtëpisë.
Rreth orës 01:30 të mëngjesit të sotëm, u raportua se Meta qëlloi për herë të tretë me armë në ajër, ndërkohë që më parë kishin dështuar negociatat për dorëzimin e tij dhe lutjet e së motrës së 31-vjeçarit që të dorëzohej.
Kjo duket se ka detyruar të paktën 3 snajperistë të RENEA që të pozicionohen, ndërsa një ekip negociator i forcave speciale, nisi komunikimin në distancë me shtetasin në fjalë. Duket se pas dy orësh negociatash 31-vjeçari u dorëzua, ndërsa gjendja ishte e rënduar dhe kishte konsumuar alkool.
Dyshohet se ngjarja e ka fillim në xhelozinë e autorit ndaj bashkëshortes. Çifti ka 6 vite i martuar dhe ka një fëmijë 3 vjeç.
