Kryebashkiaku Erion Veliaj, i cili është caktuar nga Edi Rama edhe si drejtues i fushatës së PS për zgjedhjet e 25 prillit në Bashkinë e Tiranës, se sondazhet tregojnë se ne kemi kapur ritmin ku ishim.
“Shembja e Teatrit u bë me vonesë, duhej të ishte shembur 80 vjet më parë. Sondazhet na tregojnë se edhe ata që ishin kundër shembjes kanë ndryshuar qëndrim dhe unë i mirëkuptoj ato në atë kohë sepse njerëzit ishin 3 muaj në karantinë dhe patën atë reagim që patën”, tha Veliaj.
Referuar zgjedhjeve, Veliaj tha se synimi im është që të kemi 18 mandate në Tiranë. Ai theksoi se ne synojmë të mbrojmë mandatin e 18 në Tiranë dhe këtë nuk e fsheh.
“Pakënaqësia e qytetarëve nuk është ndaj qeverisë, por ndaj opozitës. Ne hyjmë në këto zgjedhje pa fraksione, pa aleatë.
Shikoni se çfarë ndodh me opozitën, ka fraksione, po krijohen parti të tjera, që më parë ishin pjesë e opozitës, dhe sot po dalin si parti të reja”, tha Veliaj.
Kryebashkiaku nuk kurseu elozhet ndaj Kryeministrit Edi Rama, për të cilin tha se kudo që ve dorë ai, rritet vlera e pronës.
