Partia Demokratike ka reaguar përmes nënkryetarit Edi Paloka lidhur me një lajm, sipas të cilit, Presidenti Ilir Meta më 26 prill do të largohej nga Presidenca për të marrë postin e Kryeministrit dhe ministrit të Brendshëm, ose zv. Kryeministrit dhe ministrit të Brendshëm.
Lajmi i Oranews, një televizion i vendosur nën sekuestro me vendime gjykate, i referohej burimeve jo-zyrtare.
Ndërkohë, Paloka në rrjetet sociale shkruan se “i dëshpëruar nga humbja e pashmangshme, Edi Rama në ikje e sipër kërkon shpëtim tek diversionet”.
“I ke bërë llogaritë gabim o i marrë po njerëzit s’janë dele. S’ka pazar që të shpëton ty dhe kriminelët që të sollën dhe të mbajnë në pushtet.
Sdo ketë kurrë amnisti për ty e as për asnjë kriminel që pret të të sjelle vota ty dhe shpurës tënde.
Meta ta ka bërë të qartë se s’ke asnjë shans ta heqësh që aty deri sa ti mbarojë mandati. E provove dhe dështove”, shkruan Paloka.
Postimi nga Edi Paloka
Paska filluar serisht me diversionet i marri. Po ndan dhe postet tani. Sa i deshperuar mund te jete njeriu dhe sa tmerrshem e zhysin sondazhet sa kerkon te joshe sa majtas sa djathtas. Njehere donte te behej president, tani do e hiqka Meten nga presidenca e do e beka minister te brendshem.
I ke bere llogarit gabim o i marre po njerezit sjane dele. Ska pazar qe te shpeton ty dhe kriminelet qe te sollen dhe te mbajne ne pushtet.
Sdo kete kurre amnisti per ty e as per asnje kriminel qe pret te te sjelle vota ty dhe shpures tende
Meta ta ka bere te qarte se ske asnje shans ta heqesh qe aty deri sa ti mbaroje mandati. E provove dhe deshtove.
