Policia e Gjirokastrës ka vënë në pranga tre personat të cilët akuzohen për vjedhje dhe kultivim të lëndëve narkotike.
Sipas uniformave blu mësohet se E. N., 36 vjeç, akuzohet se ka tentuar të vjedhë banesën e shtetasit B. I.
Gjithashtu janë arrestuar shtetasit shtetasit A. B., 55 vjeç dhe E. B., 29 vjeç, të cilët akuzohen se kanë kultivuar kanabis në një banesë të braktisur.
Njoftimi i policisë:
Arrestohen në flagrancë 1 shtetas për veprën penale “Vjedhe” (e mbetur në tentativë) dhe 2 shtetas të tjerë për veprën penale “Kultivim i bimëve narkotike”.
Shërbimet e Komisariatit të Policisë Gjirokastër arrestuan në flagrancë shtetasin E. N., 36 vjeç, lindur në Lushnjë dhe banues në lagjen “Granica”, Gjirokastër, pasi rreth orës 00:30 të datës 18.08.2020, në lagjen “Kodra e Shtufit”, u kap në tentativë për të vjedhur banesën e shtetasit B. I.
Gjithashtu, shërbimet e Stacionit të Policisë Memaliaj arrestuan shtetasit A. B., 55 vjeç dhe E. B., 29 vjeç, banues në fshatin Vasjar, Memaliaj, pasi në bazë të informacioneve të siguruara në rrugë operative, në fshatin Vasjar, Bashkia Memaliaj, në një banesë të pabanuar, për të cilën kujdesheshin shtetasit e mësipërm, u gjetën të kultivuara dhe asgjësuan disa bimë narkotike.
Materialet në ngarkim të shtetasve të mësipërm i kaluan Prokurorisë Pranë Gjykatës së Rrethit Gjyqësor Gjirokastër për veprime të mëtejshme.
