Gjykata e Korçës ka lënë në burg Anterio Kaloshin, një ndër personat e përfshirë në atentatin me armë të ndodhur disa ditë më parë në një hotel në Tushemisht.
Sulmi me armë ka ndodhur në hotel “Voloreka”, ku shenjestër e atentatit ka qenë djali i pronarit. Në lidhje me këtë ngjarje policia ka bërë me dije se ka arrestuar 7 persona.
Kaloshi u arrestua pak ditë më parë, pasi dyshohet të jetë ekzekutori i ngjarjes së rëndë që tronditi Tushemishtin, ku u qëllua me breshëri drejt një hoteli të mbushur me turistë.
Ndërkohë gjykata ka dhënë masën e sigurisë arrest me burg edhe për Ilir Berberin, i arrestuar si organizator i kësaj ngjarjeje.
