Policia britanike ka nisur kërkimet për gjetjen e një adoleshenti shqiptar, i cili rezulton i zhdukur. Kërkimet ppo zhvillohen në Highlands të Britanisë së Madhe.
Shqiptari Olti Gega u pa për herë të fundit në zonën Camagael të Fort William rreth orës 12:00 të së shtunës.
17-vjeçari, i cili është shqiptar, përshkruhet si trup mesatar dhe me flokë të zinj. Adoleshenti ka gjithashtu një nishan në faqen e tij të djathtë.
Olti u pa për herë të fundit i veshur me një kapuç gri, xhinse të zeza, triko të zezë dhe orë të zezë.
Rreshteri Michael Bell, i cituar nga mediat lokale, tha: “ne po shqetësohemi gjithnjë e më shumë për mirëqenien e Oltit dhe do të nxisja këdo që beson se mund ta ketë parë atë ose që ka ndonjë informacion ta paraqesë sa më shpejtë që të jetë e mundur”.
