Mëngjesin e së hënës një mësues nga Shkodra ka ndërruar jetë nga Covid-19 në spitalin” Shefqet Ndroqi”Gazjon Rusi 39 -vjeç jepte mësim lëndën e matematikës në Medresenë e Shkodrës “Haxhi Sheh Shamia” dhe prej 10 ditësh ishte shtruar në spital pa asnje semundje bashkeshoqeruese. E kontaktuar me telefon nga Neës 24, një e afërmja e mësuesit tha se ai mund jetë infektuar në një ceremoni varrimi ku kishte marrë pjesë së fundmi.
Babi i tre vajzave të mitura u transportua me urgjencë nga Shkodra drejt spitalit të sanatoriumit me temperaturë të lartë 10 ditë më parë, të mërkurën u intubua. Kushërira e tij tha se ai nuk kishte bërë asnjë tampon por skaneri në spitalin “Shefqet Ndroqi” tregoi se gjendja e tij ishte mjaft rëndë.
Ai përfundoi në gjendje të rënduar në spital, ndërsa më herët kishte shfaqur temepraturë të lartë prej disa ditësh por optimizmi i tij, që mund ta kalonte në kushte shtëpie, bëri që 39 vjeçari mos të kërkonte ndihmën e urgjencës apo numrit 127 e për rrjedhojë nuk i ishte nënshtruar kryerjes së tamponit.
Mësuesi me sportivitet donte që të kurohej në banesën e tij në Shkodër ku kishte marrë dhe një aparaturë oksigjeni. Ai u thoshte të afërmve se situata nuk ishte serioze por papritur 10 ditë më parë gjendja e tij u përkeqësua ndjeshëm.
Menjëherë familjarët, të afërmit dhe të njohurit shpërndanë në rrjetet sociale apelin për ta dërguar për kurim në Turqi. Nga fushata sensibilizuese u mblodhën brenda dy ditësh mbi 50 mijë euro.
E afërmja e mësuesit, baba i tre fëmijëve, konfirmon për Neës 24 se epikriza e tij ishte dërguar në spitalin shtetërore të Stambollit në Turqi, madje ishte porositur edhe avioni sanitar që do ta transportonte mbrëmjen e së dielës për kurim më të specializuar.
Por pavarësisht solidarizimit të jashtëzakonshëm, vonesat në dërgimin e epikrizës e më tej mangësitë në të bënë që , mësuesi mos të kishte më kohë, duke humbur këtë mëngjes, betejën me covid 19.
Për kurimin e tij në Stamboll Edhe Elvis Naçi i ishte bashkuar nismës përmes fondacionit “Firdeus” duke dhuruar pesë mijë euro në llogarinë e hapur . Naçi ka ndarë një dite me pare në rrjetet e tij sociale postimin se ai ishte një baba shembullor dhe një njeri i mire qe kishte nevoje urgjente per ndihme.
Myftyu i Shkodrës Muhamed Sytari shkruajti ne rrjetin social facebook se 39 vjecari ishte model i pastërtisë, i moralit përkushtimit, i sakrificës në heshtje, i lodhjes me buzagaz, i vullnetarizmit ndërtues, i fjalës së ëmbël, i këmbënguljes për më të mirën.
Humbja e mesuesit Gazjon Rusi në shkollën “Haxhi Sheh Shamia” ka pikëlluar jo vetem familjarët por edhe miqtë e kolegët me të cilët ai punoi për 15 vite. Në medresënë e djemve drejtuesi i shkollës Kujtim Dervishi kolegët nuk e besojnë lajmin. Gazjoni energjik plot vullnet e pasion e gjithmonë i gjendshem nuk do te jete mes tyre
Pasi në media ka dhene lajmin marre për ndarjen e tij nga jeta, qytetarë të ndryshëm i jane drejtuar sekretarisë mesimore se medrese per te dorëzuar shuma monetare, kontribut per familjen Rusi
Ish kolegët e medresesë e kujtojnë Gazjonin si një djalë për tu marrë shembull, i heshtu dhe tepër i përkushtuar e i palodhur në punën e tij
Mësohet se mësuesi ka infektuar nënën e tij 80 vjecare në Shkodër, por ajo ndodhet në gjendje të mirë shëndetësore dhe nuk ka simptoma.
