Një tjetër qytetar dyshohet se ka humbur betejën me Covid-19. Dhe nëse kjo konfirmohet zyrtarisht, atëherë numri i viktimave nga Covid-19 në Shqipëri shkon në 140.
Pas 39-vjeçarit nga Shkodra, mësues matematike, në spitalin “Shefqet Ndroqi”, i kthyer në një spital “Covid2”, ka humbur jetën edhe 58-vjeçari, punonjës i Gardës së Republikës, i cili ishte shofer/shoqërues i një prej ministreve.
Nga raportimet mësohet se 58-vjeçari ishte shtruar në spital dy ditë më parë, ndërkohë që kishte shfaqur temperaturë të lartë dhe shenja të tjera të Covid-19.
Pritet që Ministria e Shëndetësisë në raportimin e saj të pasdites të konfirmojë zyrtarisht rastet, ndërsa duket se situata në dy spitalet Covid është rënduar, jo vetëm për shkak të numrit të pacientëve, por edhe rasteve të rënda shëndetësore.
