Luftëtari ishte një nga dy skuadrat që nuk arriti të mbijetojë në Kategorinë Superiore këtë sezon. Së bashku me Flamurtarin, klubi me bazë në Gjirokastër do të militojë në Kategorinë e Parë të futbollit shqiptar sezonin e ardhshëm.
Si pasojë, në skuadër priten shumë ndryshime për sa i përket kontigjentit të lojtarëve. I pari që është zyrtarizuar si i larguar, është mbrojtësi 22 vjeçar, Armenis Kukaj. Plot 19 ndeshje ka luajtur mbrojtësi në Superiore këtë sezon dhe nga sot, është një lojtar i lirë.
Njoftimi i Luftëtarit:
Futboll Klub Luftëtari njofton mbylljen e bashkëpunimit me Armenis Kukaj.
Mbrojtësi 22 vjeçar dhe drejtuesit e klubit kanë ndërprerë bashkëpunimin mes tyre, duke i dhënë mundësi futbollistit të jetë lojtar i lirë.
Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë!
