Një aksident ka ndodhur pasditen e sotme në aksin rrugor Pogradec-Korçë. Siç shihet në pamjet e siguruara nga Bold News, një automjet tip ‘Renault’ ka përplasur një motor.
Për pasojë, mësohet se është plagosur drejtuesi i këtij të fundit.
Identiteti i të plagosurit ende nuk bëhet me dije, por mësohet se është dërguar në spital për të marrë ndihmë mjekësore.
Policia ndodhet në vendngjarje për të zbardhur shkaqet dhe dinamikën e aksidentit.
Mësohet se drejtuesi i automjetit është shoqëruar në komisariat për veprime të mëtejshme hetimore.
