Deputetja Rudina Hajdari dhe deputeti Ralf Gjoni u shprehën të kënaqur me arritjen e marrëveshjes për reformën zgjedhore mes mazhorancës dhe opozitës parlamentare.
Hajdari në një deklaratë për mediat tha se me këtë marrëveshje do të votohen ata deputetë që janë me ide dhe emra përballë qytetarëve.
Po ashtu ajo vlerësoi arritjen e kësaj marrëveshje, ndërsa i bëri thirrje opozitës që t’i bashkohen në këtë kauz.
“Ajo që është dukur si diçka e pamundur, sot, them se premtimi është mbajtur. Dua t’ju them se sot jemi këtu falë mbështetjes qytetarëve dhe shoqërisë civile. Ne hodhëm një hap përpara drejt një demokracie të shëndoshë. Po ashtu u bëj thirrje opozitës jashtë parlamentare t’i bashkohen këtij treni të së ardhmes”, tha Hajdari.
Ajo shtoi se sot e quaj një fitore të madhe sepse në radhë të parë është fitore e opozitës në Shqipëri.
Gjoni tha se nuk do të votonte për marrëveshjen e 5 qershorit, por do të votonte për hapjen e listave.
“Unë se kam njohur Këshillin Politik, dhe nuk njoh marrëveshjet e këtij Këshilli. Unë do votoj për hapjen e listave”, tha Gjoni.
Ndërkohë Myslym Murrizi ka deklaruar se nuk njeh pikën 1 të marrëveshjes, që sanskionon miratimin e marrëveshjes së 5 qershorit në seancën e 23 korrikut.
