Një 50-vjeçar italian, i punësuar si taksist, u arrestua nga policia, pasi tentojë të përdhunojë një vajzë, 19-vjeçare shqiptare.
Ngjarja ka ndodhur mbrëmjen e së dielës në Trezzano të Italisë.
Shqiptarja, e cila kishte shkuar në Itali pak muaj më parë, ishte duke pritur autobusin në stacion, kur taksisti italian i është vetëofruar për ta përcjellë në banesën e saj.
Mediat raportojnë se fillimisht taksisti ka drejtuar automjetin drejt rrugës Darwin, një rrugë e izoluar dhe pa shumë makina.
Aty ka tentuar edhe t’a përdhunojë 19-vjeçaren, e cila arriti ti shpëtojë, duke kërkuar ndihmë në rrugë.
Kanë qenë vullnetarët e Kryqit të Verdhë ata që i kanë dhënë ndihmën e parë vajzës, që e kanë mjekuar dhe e kanë çuar në spital, për të lajmëruar më pas policinë.
Taksisti ndodhet në burgun e San Vittore.
