‘Vendi ku buroi liria’/ Basha mbyll vizitën në Kosovë: Në fund u ndala në Prekaz

Kreu i PD, Lulzim Basha ka mbyllur vizitën e tij në Kosovë me homazhet në varrin e Adem Jasharit në Prekaz dhe nderimet ndaj të rënëve të luftës.

Basha konfirmon se kjo ishte ndalesa e tij e fundit, Prekazi, vendi ku buroi liria e Kosovës dhe ku bota mësoi se sa e shtrenjtë është liria për shqiptarët.

Por Basha thotë se amaneti i të rënëve duhet çuar deri në fund dhe se liria dhe paqja duhen mbrojtur pasi u fituan me gjak.

STATUSI NGA LULZIM BASHA

Ndërsa sot gëzojmë frytet e lirisë, e mes sfidash po ndërtojmë të ardhmen tonë e të fëmijëve tanë, kujtojmë dhe përulemi me nderim përpara sakrificës sublime të bijve dhe bijave të kombit tonë.

Në fund të vizitës time në Kosovë, u ndala në Prekaz, vendin ku buroi liria e Kosova, e nga ku bota mbarë mësoi se sa e shtrenjtë është liria për shqiptarët.

LEXO EDHE  Operacioni anti-drogë që çoi në pranga 4 efektivë, Policia jep detaje

Me nderim të thellë u përula përpara veprës së Komandantit legjendar të Ushtrisë Çlirimtare të Kosovës, Adem Jashari, i cili vuri gjakun e tij dhe të familjes së tij në themelet e Kosovës së lirë e të pavarur.

Duke nderuar sakrificën e tyre, të gjithë duhet të kujtojmë përgjegjësinë tonë për të çuar në fund amanetin e të rënëve, për ta mbrojtur dhe zhvilluar atë që fituam me gjak, për një komb në paqe, të sigurt dhe të përkushtuar për mirëqenien e qytetarëve në cilindo vend që jetojnë: Në Republikën e Shqipërisë, Kosovës, Maqedoninë e Veriut e kudo anembanë botës.