Dy raste të reja me Covid-19 raportohet se janë konfirmuar në Berat në orët e fundit. Bëhet fjalë për një punonjëse fasonerie, 46 vjeçare, dhe për një të moshuar 74 vjeç.
Sipas epidemiologëve të dy rastet konsiderohen si vatra të reja dhe ka nisur hetimi epidemiologjik.
Punonjësve të tjerë të fasonerisë i është kërkuar të karantinohen deri në marrjen e tamponëve, ndërsa 74 vjeçari ndodhej në spitalin e Beratit prej 5 ditësh, në Repartin e Karantinës, ku ishte në pritje të përgjigjes së analizave të tamponit që kishte bërë pas shfaqjes së shenjave të infektimit.
Mjekët epidemiologë në Berat bëjnë me dije se, po hetojnë personat e kontaktit të dy rasteve të reja,të konfirmuara “pozitivë” në Berat e Kuçovë, ndërkohë që konfirmojnë gjithashtu se ka mungesë të theksuar tamponesh.
