Një vajzë 16-vjeçare shqiptare, e gjet e pajetë pranë një kishe në zonën e Trikalas në Greqi. Mediat greke raportuan se në trupin e vajzës janë gjetur shenja dhune, por janë ngritur edhe dyshimet se ajo mund të jetë hedhur nga lartësia.
Vlerësimet e mjekut ligjor, që ekzaminoi trupin e vajzës, dhe provat e para, çojnë në versionin e vetëvrasjes, por familja e 16-vjeçares flet për vrasje.
Babai i 16-vjeçares tregon pikën nga ku, sipas policisë, fëmija i tij ra. Sipas asaj që ai thotë, është e pakonceptueshme që vajza arriti të ngjitej atje.
“Ata e vranë atë, lulja iku …”, shprehet mes lotësh babai i 16-vjeçares.
Mëngjesin e 15 korirkut, 16-vjeçarja u gjet e vdekur. Një hetim nisi, pasi policia greke vlerëson se bëhet fjalë për një vetëvrasje, por familja këmbëngul se është një veprim kriminal.
“Drejtësi për të gjetur vrasësin, se vogëlushja është vrarë”, thotë xhaxhai i saj.
Motra e saj binjake, njeriu që kishte komunikimin e fundit me Marian, natën e fundit, nuk beson se motra e saj ndërmori vetëvrasjen. Dyshimet e saj për vdekjen e motrës së saj i drejtohen një personi specifik.
“Po, për atë për të cilin doli. Ose për dikë që do të ishte këtu mbrëmë”, shprehet ajo.
Policia ende nuk ka përjashtuar një skenar kriminal. Mavijosjet në fytyrën e 16-vjeçares si dhe një ankim për një grindje, e kanë lënë hapur këtë mundësi.
Përgjigjet do të jepen nga konkluzioni i ekzaminuesit mjekësor i cili pritet nesër.
Por familja e 16-vjeçares do të caktojë ekspertin e saj për këtë proces.
Skenari më i zakonshëm që konsiderohet nga autoritetet është ai i vetëvrasjes. Sipas këtij varianti, mbrëmjen e së martës, vajza 16-vjeçare shkoi në kodrën e Profetit Ilias, u ngjit skelave për në çatinë e kishës, hipi në majë dhe prej andej u hodh në boshllëk.
Familja e saj insiston që pikat e gjakut të gjetura në vendngjarje nuk janë nga rrëzimi, por nga goditjet që i janë shkaktuar vajzës.
