Një sherr ka ndodhur këtë mbrëmje në Elbasan. Sipas informacioneve paraprake, nga ngjarja kanë mbetur të lënduar pjesëtarët e skuadrës speciale ‘Shqiponjat’.
Burime për mediat bëjnë me dije se në momentin e sherrit, ‘Shqiponjat’ janë afruar me automjet për të ndërhyrë, por persona ende të paidentifikuar kanë thyer xhamin e përparmë të makinës së efektivëve duke i plagosur ata.
Ende nuk ka një njoftim zyrtar nga policia për rastin në fjalë, ndërsa mësohet se disa persona janë shoqëruar në komisariat për veprime të mëtejshme hetimore.
Ngjarja ka ndodhur tek Ura e Zaranikës dhe gjithë përplasja ndodhi pasi të dyshuarit tentuan të largoheshin dhe jo t’i binden urdhërit të efektivëve të Shqiponjave për të ndaluar.
