“Për një muaj e gjysëm, Edi Rama ka dërguar ndërmjetësit e tij, pothuaj çdo ditë me të njëjtin mesazh: ‘Ti kryeministër, unë president, vetëm të heqim koalicionet”, deklaroi të Premten, kryetari i PD-së Lulzim Basha, duke shkaktuar jo pak sensacion.
Duke folur për deklaratën, analisti Andi Bushati tha në një emision televiziv, se ai ka informacione që Rama ka çuar njerëz në vilën e kryeopozitarit.
“Unë në fakt di diçka që nuk do ta shkruaja vetë, por e di që njerëzit e Ramës i kanë shkuar në vilë Bashës. Rama është ai që po bën të gjithë gjënë për të vjedhur zgjedhjet”, tha Bushati.
“E kam informacion të sigurt, Rama i ka dërguar njerëz Bashës dhe nuk janë takuar në lokal, por te vila e Bashës. Mua nuk më duket Rama person që ndan pushtet, thjesht po tallet me këdo”, shtoi Bushati.
