Presidenti Ilir Meta pajtohet me përfaqësuesen e Organizatës Botërore të Shëndetësisë në Shqipëri, teksa thekson rëndësinë e ndërgjegjësimit të qytetarëve për respektimin e masave dhe mbajtjes së maskave.
Sipas Presidentit, shtimi i rasteve të qytetarëve të prekur nga pandemia COVID-19, shtron si domosdoshmëri jetike rritjen e masave mbrojtëse dhe frymës së bashkëpunimit dhe mbështetjes së sektorit të shëndetësisë me buxhetin e duhur.
Meta shkruan se përballimi me sukses i pandemisë duhet të jetë një objektiv për qytetarët dhe institucionet përkatëse dhe se çdo neglizhencë ka kosto shumë të rëndë për jetën e qytetarëve.
Postimi i Metës:
Duke ndarë të njëjtat shqetësime me përfaqësuesen e Organizatës Botërore të Shëndetësisë në Shqipëri, theksoj rëndësinë e ndërgjegjësimit të qytetarëve për respektimin e udhëzimeve të bëra publike, për ruajtjen e distancave fizike dhe mbajtjes së maskave.
Shtimi i rasteve të qytetarëve të prekur nga pandemia COVID-19, veçanërisht numrit të viktimave, shtron si domosdoshmëri jetike rritjen e masave mbrojtëse, frymës së bashkëpunimit dhe mbështetjes së sektorit të shëndetësisë me buxhetin e duhur, veçanërisht me afrimin e pikut të sezonit turistik.
Tepër i nevojshëm është bashkëpunimi i ngushtë me të gjitha vendet fqinje për marrjen e masave për parandalimin dhe përhapjen e mëtejshme të pandemisë, me qëllim rihapjen sa më parë të kufijve tokësorë.
Përballimi me sukses i COVID-19 duhet të jetë një objektiv madhor për të gjithë! Çdo neglizhencë në këtë prioritet ka kosto shumë të rëndë: jetën e qytetarëve tanë
