Java e 31-të e Serie A mbyllet sot me dy sfida, Spal-Udineze dhe Verona-Inter.
Vëmendja maksimale do të jetë në “Bentegodi” aty ku zikaltërit do të tentojnë fitoren ndaj një kundërshtari të vështirë për të harruar humbjen me përmbysje ndaj Bolognas.
Humbja e të dielës ndaj Bolognës provokoi një reagim nervoz të Contes, i cili ka mbajtur distancë ndaj futbollistëve gjatë gjithë seancave stërvitore, ndërsa edhe administratori Giuseppe Marotta bëri thirrje për reagim të menjëhershëm.
Megjithatë asgjë nuk do të jetë e lehtë për skuadrën e Contes, pasi Verona është një nga surprizat e këtij sezoni të kampionatit italian, pasi ia ka dalë me meritë të grumbullojë plot 42 pikë në 30 javë.
Më herët në orën 19:30 do të luhet përballja mes Spalit dhe Udineses, një sfidë shumë e rëndësishme veçanërisht për friulianët, të cilët janë shumë pranë zonës së rënies dhe duan të sigurojnë sa më shpejt mbijetesën.
Me 19 pikë dhe në vendin e fundit të renditjes, shpresat e Spalit për mbijetesë i mban gjallë vetëm matematika, pasi kur kanë mbetur edhe 8 javë për t’u luajtur, duket e pamundur të marrë pikë mjaftueshëm për të qëndruar mes më të mirëve.
Krejt ndryshe është situata e Udineses, që pozicionohet e 15-a me 32 pikë dhe zona e ftohtë është vetëm 4 pikë më poshtë, ndaj friulianët do të provojnë të marrin tre pikët në transfertën e sotme, për t’u larguar njëherë e mirë.
Rezultatet e ditës së djeshme në Serie A:
