Lazio ka mposhtur me rezultatin 2-1 Torinon në transfertë, në ndeshjen e vlefshme për javën e 29-të të Serie A.
Belotti shënoi për vendasit që në minutën e pestë me penallti dhe pjesa e parë nuk pati gol tjetër. Në pjesën e dytë, Lazio, nuk është dorëzuar dhe ka përmbysur rezultatin.
Skuadra kryeqytetase ia ka dalë të barazojë në minutën e 48-të dhe është i zakonshmi Ciro Immobile. Ky ishte goli i 29-të për sulmuesin e Lazio.
Përmbysja erdhi në minutën e 73-të me anë të Parolos. Mesfushori arriti të mposhtë portierin kundërshtar me një goditje nga brenda zonës.
Me këtë fitore, skuadra kryeqytetase mban të hapur titullin kampion, ku diferenca me Juventusin është në 1 pikë të cilët luajnë ndeshjen e tyre në orën 21:45 kundër Genoas.
