Një i ri shqiptar ka marrë vëmendjen e mediave italiane pasi ka tentuar të vrasë gruan e tij. 33-vjeçari ka dhunuar dhe ka kërcënuar me thikë gruan e tij, ndërsa mësohet se çifti ishte në prag të divorcit, por mesa duket shqiptari nuk e pranonte këtë.
Gruaja e tij u largua nga shtëpia për shkak të dhunës që ai ushtronte, por 33-vjeçari e ka ndjekur nga Milano deri në Genova.
Gruaja doli nga një apartament ku jetonte, shqiptari e kishte pritur jashtë, duke e kapur për flokësh dhe duke i vendosur një thikë në fyt.
Policia arriti ta arrestonte burrin që po ikte me makinën e tij.
