Ish-Kryeministri Sali Berisha e ka cilësuar të turpshme heshtjen e prokurorisë ndaj përhapjes së Covid-19 në mjediset e QSUT dhe infektimit të pacientëve, që shtrohen në këtë spital për sëmundje të tjera.
“Këto janë pasojat e bombës biologjike të QSUT.
Dhjetëra e dhjetëra të sëmurë vdekur nga COVID-19 në QSUT, në Spitalin Infektiv dhe në qytetete dhe fshatra të vendit që u infektuan në QSUT.
Qindra dhe mijëra të sëmurë të shtruar në QSUT, qytetarë vizitorë në QSUT, qytetarë që u infektuan në të katër anët e vendit në qytete dhe fshatra nga të sëmurë që dolën të infektuar nga QSUT, ku mjekoheshin për sëmundje të tjera.
Dhjetëra e dhjetëra mjekë dhe infermierë, punonjës të QSUT, të infektuar nga COVID-19”, shkruan Berisha në postimin e tij në rrjet.
Sipas ish-Kryeministrit, shndërrimi i QSUT në bombë biologjike, gjenerator gjigant të përhapjes së infeksionit, është akti më kriminal i menaxhimit të papërgjegjshëm të pandemisë së COVID-19 në Shqipëri nga Kryepidemiologu xhahil i Surrelit dhe ndrikull Hajni Maska.
“Narkoprokuroria është e partisë, ndaj dhe për dyshen e krimit le të infektohen dhe vdesin sa të duan, fatin e tyre paçin. Ndiqni raportimin e gazetarit Erjon Skëndo”, shkruan Berisha, duke publikuar videon e mëposhtme.
https://www.facebook.com/SaliBerisha/videos/970749400049858/
