Ditën e djeshme u mësuan katër skuadrat gjysmëfinaliste për Kupën e Shqipërisë. Tirana, Kukësi, Teuta dhe Bylisi janë skuadrat që do të vijojnë garën më tej.
Ndërkohë ditën e sotme, FSHF, ka dalë me komunikatë dhe bën me dije se shorti për çiftet gjysmëfinaliste do të hidhet nesër prej orës 11:00, në ambientet e stadiumit “Air Albania”.
Kukësi është fituesi në fuqi i këtij kompeticioni dhe finalja është përcaktuar të zhvillohet me datë 2 gusht. FSHF më parë ka publikuar si data të gjysmëfinaleve 1 dhe 15 korrikun.
