Teuta dhe Vllaznia luajnë ndaj njëra-tjetrës në orën 16:30, sfidë kjo e vlefshme fazën çerekfinale të Kupës së Shqipërisë.
Të dy skuadrat do të luajnë gjithçka për gjithçka në këtë përballje, për të siguruar kualifikimin. Kujtojmë që sfida e parë e zhvilluar në “Loro Boriçi”, përfundoi në barazim 2-2.
Durrsakët e Edi Martinit, vijnë si favoritë pas barazimit në transfertë, ndërkohë që të besuarit e Hysen Dedjas do të tentojnë një mrekulli.
Formacionet zyrtare:
TEUTA: Frashëri, Arapi, Hoxha, Kuro, Todorovski, Avdyli, Aleski, E.Vila, Kallaku, L.Vila, Hebaj. Trajner: Edi Martini.
VLLAZNIA: Sherri, Adili, Lekaj, Shehi, Repaj, Krymi, Bardulla, Kruja, Lika, Shtubina, Zhunior. Trajner: Hysen Dedja.
