Avokati Ledio Braho tha në studion e A2Cnn se të dy opinionet e Komisionit të Venecias shkojnë kundër interesave dhe qëndrimeve të mazhorancës, qoftë për Kushtetuesen ashtu edhe për paketën anti-shpifje.
Braho tha se mënyra se si Qeveria e ka konceptuar paketën ligjore anti-shpifje, mund të them se ajo përkeqëson lirinë e shprehjes.
Sipas Brahos, ajo sjell cënimin e lirisë së shprehjes.
“Opinioni i Komisionit të Venecias hedh dyshime edhe mbi Komitetin e Ankesave dhe AMA-n, që do të zbatonin pikërisht këtë paketë. Opinioni thotë se përkufizimi që i bëhen portaleve i jep të drejtën qeverisë që të ndërhyjë edhe në rrjetet sociale apo në blogjet personale”, tha Braho.
Sipas avokatit, ajo që thotë Venecia është një logjikë e thjeshtë, edhe sikur të kesh lexuar disa vendime të Gjykatës Europiane të të Drejtave të Njeriut.
Duke iu referuar reagimin e Kryeministrit Edi Rama, pas opinioneve të Venecias, Braho tha se nuk bëhet fjalë për një arnim nga kjo paketë, duhet një inisiativë tjetër, Qeveria duhet të tërhiqet dhe t’ia lerë në dorë medias, Këshillit të Medias, për t’a zgjidhur këtë situatë, duke e vetërregulluar tregun e mediave.
“Edhe ligjet më të thjeshta, duhet të bëhen me grupet e interesit. Vetëm portale të regjistruara janë mbi 700, shto këtu edhe portalet që janë të punësuar, atëherë si mund të shmangen ato nga një ligj që ka të bëjë pikërisht me mediat”, tha Braho.
Përsa i takon emërimeve në drejtësi, avokati i njohur tha se “interpretimi i Venecias ishte shumë i qartë, ishte i pritshëm, dhe ajo që të bën të ndjehesh i fyer është se si kanë rrjedhur gjërat.
