Gjykata e Posaçme e Apelit do të japë sot vendimin për ish-ministrin e Brendshëm Saimir Tahiri. Tahiri ka mbërritur në Gjykatë i shoqëruar nga avokati i tij Maks Haxhia.
Në momentin kur po afrohej pranës derës së Gjykatës, një nga operatorët e televizioneve rrëzohet. Ky moment është përdorur nga ish-ministri për të dhënë një mesazh në drejtim të kamerave.
“Kështu do e hanë të gjithë”, shprehet Tahiri.
Në seancën e 11 qershorit, Tahiri paraqiti një mbrojtje prej 138 faqesh, ndërkohë që prokurorët e çështjes kërkuan shfuqizim të dënimit të konvertuar në shërbim prove.
Tahiri një vit më parë është dënuar 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre.
SPAK nga ana tjetër kërkonte 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”
